(¯`•._♥彡♥ :.ღ كــافــى لـكــل الـبـنـات والشباب .:ღ. ♥彡♥_.•´¯)

لقد تم القبض عليك و أنت تدخل المنتدى دون تسجيل الدخول عزيزتي الزائرة / عزيزي الزائر ،، يرجى التكرم بـتسجيل الدخول إذا كنت عضوا معنا . و إذا كنت زائرا جديدا .. نتشرف بدعوتك للانضمام الى قافلة منتديات اصدقاء للأبد بالتسجيل معنا . و شــــــكــــــــــــرا نتمنى لك قضاء أطيب الاوقات في منتدانا الغالي و في ارجاء الشبكة العنكبوتية ككل مع تحية / إدارة المنتدى

احلى اصحاب فى الدنيا اصدقاء للابد



    موضة ملابس المحجبات على طريقة مصممة الأزياء"ريهام فاروق"

    شاطر
    avatar
    MaZika3
    Admin
    Admin

    ذكر
    عدد المساهمات : 58
    نقاط : 164
    تاريخ التسجيل : 22/05/2009
    الموقع : فـــيـ ارضـــــ الله الـــواسـعـهـ
    العمر : 29
    مخربها

    موضة ملابس المحجبات على طريقة مصممة الأزياء"ريهام فاروق"

    مُساهمة من طرف MaZika3 في الأحد مايو 24, 2009 9:43 pm






    ازيكم يا جماعة .. يارب تكونوا بخير باذن الله
    طبعاً زى ما انتوا عارفين ان مصممي الازياء حالياً بيطورا ديماً من تصميماتهم
    وخصوصاً .. ازياء المحجبات
    ودايماً بيحاولوا تقديم موديلات جديدة يكون فيها احتشام لتناسب الفتاة المحجبة ...
    وقد قامت احد المواقع المتخصصة باخبار المجتمع والموضة والجمال
    بحوار مع مصممة الازياء "ريهام فاروق"
    اللى بتهتم جداً بشكل واستايل لبس المحجبات وبتقدم الموضة الغربي بشكل مناسب للذوق الشرقي .
    وحبيت انقلكم الحوار ... وان شاء الله يعجبكم
    وتعالوا مع بعض نشوف الحوار ...
    =============================



    في البداية عايزين نعرف إيه هي أكتر حاجة بتميز تصميماتك عن باقي مصممي الأزياء؟!


    أنا كل شوية بأطلع على الموضة
    في "إيطاليا" و"فرنسا" تحديداً لأنهم أساس الموضة في العالم وأتعرف على
    الألوان والتصميمات ونوعية الأقمشة وباخذ الاتجاهات العامة وأوظفها علشان
    تناسب الذوق المصري والبنت المحجبة على وجه الخصوص، وده لأني بحب إن لبس
    المحجبات يكون استايل وموضة وفي نفس الوقت يكون فيه التزام بالزي الإسلامي
    المناسب للبنت المحجبة، وأكثر حاجة بتميز تصميماتي إنها استايل غربي بذوق
    شرقي.


    =============================

    كل شتاء له ألوان بتميزه إيه هي الألوان الموضة في شتاء 2009؟!

    الألوان الموضة هي "الأسود" و"البني" و"الموف" و"النبيتي"و"الأخضر" و"الأصفر"

    =============================


    إيه هي أحدث الخامات والأقمشة المستخدمة في تصميماتك؟!

    أنا أفضل استخدام الخامات
    الرفيعة علشان الخامة الثقيلة زي التريكو الثقيل مابقيتش موضة وفي نفس
    الوقت بتخلي الـبـنت تبان وكأنها مليانة قوي علشان كده بفضل إني أستخدم
    التريكو الرفيع قوي والقطيفة الخفيفة والصوف مش كده وبس أنا بدخل على
    القماش بعض الشغل اليدوي لأنه له ذوق وسحر خاص.




    وعلى فكرة كل الخامات القديمة زي "الليكرا" و"المرسيلزيه" رجعت موضة تاني
    بالإضافة إلى إن الرسومات القديمة زي الدوائر المنقوشة والرسومات العربية
    برضه بقت موضة دلوقت.



    =============================


    [/size]
    avatar
    MaZika3
    Admin
    Admin

    ذكر
    عدد المساهمات : 58
    نقاط : 164
    تاريخ التسجيل : 22/05/2009
    الموقع : فـــيـ ارضـــــ الله الـــواسـعـهـ
    العمر : 29
    مخربها

    رد: موضة ملابس المحجبات على طريقة مصممة الأزياء"ريهام فاروق"

    مُساهمة من طرف MaZika3 في الأحد مايو 24, 2009 9:44 pm

    إيه هي الموديلات الجديدة اللي نزلت موضة السنة دي؟!

    موضة الستينيات والسبعينيات
    الكم الواسع بأشكاله المختلفة رجعت تاني موضة كمان بنلاقي إن موضة السنة
    اللي فاتت اللي كانت عبارة عن خامة واحدة وعليها تطريز وشغل لسه مستمرة
    موضة برضه السنة دي... وعلى فكرة فيه موضة عالمية حالياً هتنتشر وهتغير
    شكل اللبس بالكامل هتكون معظم الموديلات مكونة من القمصان المنقوشة
    والبليسيه وهيكون القميص متفصل بداخل الدريل أو البونشو... يعني هيكون
    مثلاً قميص لينوه عادي بأسورة عريضة أو منفوش وعليه دريل أو فستان نصف كم
    أو تلتين متركب ومتفصل على القميص وممكن الشكل ده يكون على بلوزة أو بادي
    أو دريل طويل أو دريل قصير أو فستان طويل، بجانب الجيب المنقوش الملونة
    والقميص السادة وعليه (بلوفر صوف بكم أو نصف كم), بجانب البنطلون الجينز
    وعليه جاكت لحد الركبة مجسم أو نازل على أفزية وحزام من النصف بتوكة أو من
    القماش نفسه ويكون مصمم بجيوب من فوق وتحت أو تحت فقط.

    ----------------------------------------------------------


    هل البنطلون الطويل بداخل البوت موضة السنة دي؟!



    أنا لا أفضل شكل البنطلون في البوت وخصوصاً للبنت المحجبة لأن ده غـير
    مناسب مــع الحجاب ولكن ممكن البنت غير المحجبة تلبس الشكل ده خاصة لما
    تكون رفيعة وطويلة وشكل البوت داخل البنطلون يتناسب مع الفستان القطعة
    الواحدة تحت الركبة والجواكيت الطويلة.

    وعلى العموم لو كانت البنت
    محجبة وعايزة تدخل البوت داخل البنطلون فممكن تشتري بوت قصير مش طويل بحيث
    إنها لما تدخل البنطلون فيه مايكونش الشكل متناقض قوي مع لبس الحجاب.

    =============================


    التطريز على القماش لسه موضة؟!



    مش أي تطريز يكون موضة وشكله حلو في نفس الوقت وأنا براعي في تصميماتي إن
    التطريز يكون على نهاية القماش سواء كان الكم أو نهاية الفستان أو الدريل
    وأحب جداً التطريز بالأحجار والفضة والنحاس وأبعد عن الخرز واللولي لأنه
    مش مناسب مع اللبس الكاجوال والعادي.

    والتطريز الموضة السنة دي من العملات القديمة (القرش والمليم).

    =============================


    هل بتبيعي الإكسسوارات مع الموديلات بتاعتك؟!

    أنا بأبيع جزء من الإكسسوارات
    مع الموديلات الخاصة بي لأني بكون حريصة في اختيار الإكسسوار المناسب
    وأحرص على شرائه من دول عربية وخاصة الإكسسوار الكلاسيك لأني لو تركت
    البنت تختار الإكسسوار مش هتعرف تختار الشكل والنوع المناسبين وهتقلل من
    شكل الموديل.

    =============================

    فيه بنات كثير بتعجبها موديلات لكن لما بتلبسها بتلاقيها مش مناسبة معاها إيه السبب؟!

    ده شيء طبيعي جداً لأن
    (المانيكان) بتكون لها مواصفات معينة في الطول والحجم وأي موديل بيكون
    مناسب لشكل (المانيكان) وطبعا البنات في مصر أطوالهم وأحجامهم مختلفة عن
    شكل المانيكان فده السبب في إن الموديل على المانيكان بيكون بشكل وعلى
    البنت بشكل تاني...وعلى العموم موجود دلوقت في أي محل ملابس ترزي بيظبط
    الطول والقصر وشكل الموديل على البنت اللي هتشتريه..

    =============================


    إيه هي القواعد العامة اللي البنت لازم تكون عارفاها وهي بتشتري ملابسها؟!


    إنها لو قصيرة تلبس طويل وخطوط
    طولية وتبعد عن المشجر لأنه بيساعد على إن البنت تكون (مليانة) وتحاول
    ماتلبسش حاجات فيها خطوط بالعرض أو حزام عريض ولو فيه حاجة بالعرض تكون
    صغيرة جداً وتلبس الموديل الطويل والإكسسوار الطويل أيضاً...لكن البنات
    الطوال يلبسوا كل حاجة لكن يبعدوا عن الحاجات اللي فيها خطوط بالطول
    ويلبسوا ألوان فاتحة, والإكسسوار يكون قصير. وأي بنت مليانة تبعد عن
    الفواتح والمشجر وتعمل قصات طويلة, وتفتح الجاكت علشان تظهر البدي أو
    البلوزة مع البنطلون أو الجيبة لأن الجاكت المفتوح بيعمل نوع من الخداع
    البصري.

    =============================


    هل فعلاً الألوان الغامقة بتداري عيب الجسم والمناطق المليانة؟!

    في العموم الأسود بيعطي إحساس
    بأن الجسم رفيع. لكن أنا براعي إخفاء عيوب الجسم أثناء تصميم الموديل يعني
    مثلاً الأرداف العريضة بقوم بتوسيع القماش عند منطقة الأرداف وفيه قواعد
    ثابتة زي الديكولتيه الواسع بيكبر الصدر.. وعلى فكرة أكتر القصات المناسبة
    للجسم المصري القصات التي تبدأ بالطول لحد تحت لأن الطويل بيخلي الجسم
    رفيع ويعطي طول ولو مقاس البنت أكثر من 44 وعايزة تلبس مجسم تقوم بإدخال
    لونين مع بعض يعني مثلاً يكون تلتين الدريل أو الفستان لونه تركواز والتلت
    الباقي بني، أما في حالة امتلاء الصدر والزراع نبعد عن الخامات الليكرا
    لأنها بتبرز (التخن) ونبعد عن الزراير وقصة الصدر تكون بسيطة ومقفولة.


    =============================




    فيه بنات مليانة بتحب تلبس "كورسيه" تحت الملابس الكاجوال أو العادية... ازاي تختار الكورسيه المناسب للبس العادي؟!

    فيه مواصفات خاصة للكورسيه
    أولاً لازم يكون ماركة معروفة, ويكون مقاسه أصغر من مقاس الجسم الطبيعي
    بشوية, وفيه أنواع كثيرة من الكورسيه زي كورسيه جيب, كورسيه شورت, كورسيه
    بنتاكور, كورسيه للمعدة حتى تحت منطقة الصدر وارتفاعه بيكون 30 سم وفائدته
    إنه بيعمل وسط ويخفي منطقة المعدة. ولازم البنت تستشير مصمم الأزياء
    بتاعها في شكل الكورسيه المناسب وتعرف إيه العيوب أو الجزء المليان في
    جسمها لأن كل جزء في الجسم له الكورسيه المناسب له.

    =============================


    هل فيه نوعية طرح معينة بتناسب فصل الشتاء؟!

    الطرحة نوعها لا يتغير باختلاف
    الفصول ولكن في رأيي أن الطرحة السادة أفضل من المشجرة لأن الخامة
    المنقوشة والمشجرة بتكون في الغالب خامة مش كويسة وعندما تكون الطرحة سادة
    ممكن البنت تلبس أكثر من لون يتناسب مع ألوان الموديل بتاعها.

    إيه النصائح اللي ممكن تقوليها لكل بنت محجبة؟!

    فيه شوية حاجات لازم البنت تاخد بالها منها علشان تكون شيك في كل الأوقات والحاجات دي هي:

    - إنها
    تفرق بين شكل واستايل لبسها في الصبح وبين شكل واستايل لبسها بعد
    الظهر...فمثلا تحرص إنها تلبس الصبح الألوان الفاتحة الزاهية زي "الأبيض"
    و"التركواز" و"الأصفر" و"الأورانج" وده طبعا على عكس بعد الظهر تحاول على
    قد ما تقدر يكون لها استايل مختلف وده علشان مايكونش لها استايل واحد
    ماشية عليه يعني من الآخر تكون كاجوال في النهار وكلاسيك بعد الظهر.



    - إنها يكون عندها طقم ماتكنش بتلبسه كثير علشان لو جت لها خروجه مهمة تلبسه.



    - يكون عندها طقم سهرة كامل "الطرحة والإكسسوار" علشان لو جت لها عزومة مفاجأة تكون جاهزة.



    - تحاول دايما تهتم بالتفاصيل الصغيرة زي شكل الدبوس ولفة الطرحة لأن التفاصيل دي هي اللي بتفرق.


    [size=21]

      الوقت/التاريخ الآن هو الثلاثاء أغسطس 21, 2018 2:00 am